【含劇透】《超人GEED》最17話 感想

【含劇透】《超人GEED》最17話 感想

今集超人GEED隻眼一轉左色,就一副奸角樣!兩位真有父子相!

今集超人Geed的皇家至尊形態終於出現!超人皇賜過力量畀好多超人,例如尼奧、Hikari、銀河同勝利,然後就係Geed。如果有朝一日平成新世代全部最終形態集結,呢位人類年紀19歲的年輕超人,未免又霸氣得制!

其實貝利亞次次都畀人由衛星攬住送去母星,之前就超人太郎由宇宙監獄送落光之國,今次由月亮送落地球。

近年圓谷多左表達超人心境的畫面,例如《Ultra Zero Fight》入面,超人Zero被貝利亞入侵,仲殺晒所有同伴,跌落谷底就用落雨襯托傷心。今次吸收左Geed,算係貝利亞的心境,其實貝爺都好悲慘。《大怪戰格鬥銀河傳說THE MOVIE》時,貝爺有意招攬同樣是雷奧尼克斯的雷蒙,今次直頭擁有自己基因的Geed,雖然次次都係利用人,不過見到佢地父子抱抱,真係感觸。突然腦洞全開,換個角度去睇,其實超人Geed都算有一半雷布拉德星人的遺傳因子,係用到格鬥儀。

雖然我唔太喜歡新外掛能夠任用六兄弟能力,不過唯一整得幾好的,反而係細緻位!今次六兄弟的能量罩,係刻有六兄弟每人的超人簽名!

下集〈超人GEED〉的標題咁熟面口,因為想當年〈超人迪加〉第1集「光之繼承者」、第44集「影之繼承者」,然後〈GEED〉就係「夢之繼承者」!

喜愛日本!喜愛特攝!喜愛電影! 90後宅宅小編馬高斯,和大家談談特攝,說說日本!

發佈留言

發佈留言必須填寫的電子郵件地址不會公開。 必填欄位標示為 *