《鳥獸行 》影評

《鳥獸行 》影評

唔講唔知小編曾於GZONE時代,有寫「馬高斯の電影館」的影評短文,主要因為自己愛睇戲想分享好戲畀大家,所以打算復活呢個專欄!

多謝友人的邀請,昨日去《鳥獸行 (日:彼女がその名を知らない鳥たち)》首映場。簡單描述一下,呢套戲係 #沼田真帆香留 的小說改編電影,描述人的慾望放縱,還有各種扭曲的愛去交錯的故事。如果用藤原龍也做男主的日劇《反轉 (日:リバース)》去講,戲中的懸疑劇情都可以「反轉」好多次,所以無悶場。

電影亦獲得唔少大獎,戲中飾演女主角的蒼井優更破格演出,將「港女+廢青+欲求不滿」演得淋漓盡致,並獲得報知電影賞、橫濱電影祭、日刊Sports電影大賞、日本電影金像獎等的最佳女主角大賞!

點解講特攝的《英雄幫》會講呢套電影?因為《侍戰隊真劍者》松坂桃李有份演出!呢位人兄算係近代平成戰隊角色中,星途最理想又多戲拍的一位。呢位人兄近年接拍的電影,例如走邪道《不能犯》、18禁《娼年》、邪道警察《孤狼之血》,以及今次做渣男《鳥獸行》都一洗以往形象,帶畀大家松坂桃李的另一面!

喜愛日本!喜愛特攝!喜愛電影! 90後宅宅小編馬高斯,和大家談談特攝,說說日本!

發佈留言

發佈留言必須填寫的電子郵件地址不會公開。 必填欄位標示為 *